Fredag 25. September var det OPNINGSKONSERT for Sogn kulturskule sitt jubileumsår. Det er 20 år sidan Sogn interkommunale kulturskule starta, og 40 år sidan Sogndal kulturskule starta opp. Dette skuleåret skal vi laga MINST 20 konsertar! Vi skal prøva å spreia konsertane ut til ulike deler av kommunen. Den fyrste konserten var i Blaoboxen i Sogndal, som er heimebane for mange av elevane våre i Sogndal.
Denne fredagen var det duka for konsert med elevar og lærarar, talar frå rektor Roar Sandnes, helsing frå kultursjefen Håvard Ese Eliassen og høgtideleg klypping av snor. Elevar frå heilt nybyrjarar til erfarne fekk visa sine dugleikar på ulike instrument, både solo og i ensemble. Det var variert og kjekt, og rett og slett ein veldig bra konsert som de kan vera stolte over, alle som bidrog! Hurra for Sogn kulturskule og GRATULERER med 20 (+ 20) år!
Sogn Avis var også til stades på konserten. De kan også lesa meir om konserten der.
Tusen takk til alle som kom og høyrde på, og som støttar kulturskulen!
